पुष्पा खनालको गीत लाई अग्रिम रोयल्टी

म्यूजिक संसार नेपाल प्रालीले गीतसंगीतको अनलाइन बिक्री बापत स्रष्टालाई अग्रिम रोयल्टी दिएको छ ।  गीतकार पुष्पा खनालको गीति संग्रह अभिनवमा रहेको यो आँखाको पानीलाई बोलको गीतको अग्रिम रोयल्टी दिएको हो । यो गीतमा सरोज कोइरालाको संगीत रहेको छ भने कोइराला र रोशनी अधिकारीले स्वर दिएका छन । म्यूजिक संसार नेपालले संस्थालाई गीत उपलब्ध गराउने स्रष्टा र उत्पादकलाई गीतले ब्यापार गरेपनि नगरेपनि अडियोको छुटटै र भिडियोको छुटटै प्रति गीत निश्चित रकम अग्रिम भुक्तानी गर्ने योजना अनुसार गीतकार तथा निर्माता खनाललाई रकम हस्तान्तरण गरेको हो ।
यु ट्युव र अन्य डिजीटल माध्यमबाट प्राप्त हुने आमदानीलाई पारदर्शी ढंगले स्रष्टा सर्जक र उत्पादकलाई रोयल्टीको हिस्सा निरन्तर बितरण गर्ने कम्पनीले जनाएको छ ।  म्यूजिक संसार नेपालको यो प्रयासलाई गीत संगीत क्षेत्रका प्रसिद्ध ब्यक्तिहरुले सरहाना गरेका छन । बरिष्ठ गीतकार राजेन्द्र थापाले समाजीक सञ्जालमा प्रतिकृया दिदै लेखेका छन-हुन त यु ट्युवको बिषयलाई रोयल्टिको दायरा भित्र ल्याउने बिषय नै रोयल्टी समाजले Action Plan मै नगरेको अबस्थामा यो कदम प्रशँसनिय नै हो । वधाई स्रष्टा र धन्यवाद कम्पनी ।