साकिराको १२ बर्षे सम्बन्धको अन्त्य
पपस्टार साकिराले आफ्नो १२ बर्ष लामो सम्बन्ध अन्त्य गर्ने भएकी छिन। “हामी हाम्रा बच्चाहरुको राम्रोको लागि छुट्टीन लागेका छौं जुन कुरा भन्दा हामीलाई पश्चात्ताप भैरहेको छ” जोडीले आफ्नो संयुक्त बक्तब्यमा उल्लेख गरेका छन्। पपस्टार सकिरा बिगत १२ बर्ष देखि स्प्यानिस फुटबल खेलाडी जेरार्ड पिकसंग सम्बन्धमा थिइन।
४५ बर्षीय साकिरा र ३५ बर्षका जेरार्ड पिकका सन्तानको रुपमा ९ र ७ बर्षका दुइ छोराहरु छन्। २०१० को बिस्वकप फुटबल हुँदा सकिराले गाएको गीत “वाका वाका” को म्युजिक भिडियोमा जेरार्ड मोडेलको रुपमा देखिए पछि उनीहरुको परिचय र त्यस्पस्चात हिमचिम बढेको थियो। त्यस लगत्तै उनीहरु संगै बस्न थालेका थिए। साकिरा कोलम्बियन हुन् भने पिक स्प्यानिस हुन्। यो अबधिमा दुवै स्पेन मै बस्दै आएका थिए। हालैका अन्तरबार्ताहरुमा आफुहरु बीच केहि असमझदारी रहेको आभास साकिराले दिन थालेकी थिइन्।