विश्वकपको उपाधि संयुक्त राज्य अमेरिकालाई
July 8, 2019 | 9:02 am
जुलाई ७, डालस/ डालस महिला विश्वकप फुटबलको उपाधि संयुक्त राज्य अमेरीकाले जितेको छ । आइतबार फ्ररन्समा भएको फाइनलमा खेलमा नेदरल्यान्ड्सलाई २-० गोल अन्तरले पराजित गर्दै अमेरिकाले महिला विश्वकप फुटबलको उपाधि उचालेको हो । सम्पन्न विश्वकपको उपाधि अमेरिकालाई दिलाउन मेगान रापिनोई र रोज लाभिल्लीले गोल गरिन् ।
पहिलो हाफसम्म बराबरीमा रोकिएको अमेरिकाले दोस्रो हाफमा उत्कृष्ट प्रदर्शन गर्न सफल भयो । ६१ औं मिनेटमा अमेरिकाले पेनाल्टी पायो । पेनाल्टीको सदुपयोग गर्दै मेगानले अमेरिकालाई १-० गोलको अग्रता दिलाइन् ।
६९ औं मिनेटमा नै लाभिल्लीले अर्को गोल थप्न सफल भइन् । उनको गोलसँगै अमेरिका २-० गोलअन्तरले अघि रहृयो । बाँकी समयमा दुबै टिमबाट गोल हुन नसकेपछि अमेरिकाले उपाधि जितेको हो ।
तलनात्मक रुपमा पहिलो हाफभन्दा दोस्रो हाफमा अमेरिकाविरुद्ध निकै कमजोर देखिएको नेदरल्यान्ड्सले विश्वकपको उपाधि जित्ने राम्रो अवसर खेर फाल्यो । महिला विश्वकपको उपाधि अमेरिकाले चौथो पटक जितेको हो ।