लिभरपुलको जितमा मोहमद सलाह र डिभोक ओरिगीले एक एक गोल गरेका थिए । सलाहले खेलको दोस्रो मिनेटमा नै लिभरपुलले पाएको विवादस्पद पेनाल्टीलाई गोलमा परिणत गर्दै लिभरपुललाई शुरुवाती अग्रता दिलाएका थिए भने खेलको ८७औ मिनेटमा ओरिगीले गोल गर्दै लिभरपुलको अग्रता दोब्बर पारेका थिए । अरिगि सब्सिच्युट खेलाडिको रुपमा मैदान छिरेका थिय ।

सलाहले गरेको गोलले च्याम्पियन्स लिगको फाइनल खेलमा इतिहांस रचेको छ । उनले गरेको गोल लिगको फाईनलमा दोस्रो सबै भन्दा छिटो गोल बनेको छ । यस अघि सन् २००५ मा लिभरपुलविरुद्ध एसी मिलानबाट खेल्दै पाओलो माल्दिनीले ५० सेकेन्डमा गोल गर्दै फाइनलमा छिटो गोल गर्ने रेकर्ड बनाएका थिए । जितसँगै लिभरपुलले छैठौ पटक च्याम्पियन्स लिग (युरोपियन कप) जितेको छ । अहिलेसम्म सब भन्दा धेरै पटक च्याम्पियन्स लिग जित्ने रेकर्ड भने रियल म्याड्रिडको नाममा रहेको छ ।रियल म्याड्रिडले १३ पटक च्याम्पियन्स लिग जितेको छ भने एसी मिलानले ७ पटक, लिभरपुलले ६ पटक, बार्सिलोना र बायर्न म्युनिखले ५-५ पटक च्याम्पियन्स लिग जितेका छन् ।

खेलको २ मिनेटमै गोल खायको टोटनहाम जुन लक्ष्यका साथ मैदान छिरेको सोहि अनुरुपको प्रतिफल निकल्न सकेन । समग्रमा राम्रो खेल खेलेको टोटनहामको बाधक लिभरपुलका गोल किपर बने । टोटनहामका  दर्जनौ प्रहार लिभरपुलका किपरले नियन्त्रणमा ल्यायका थिय ।