बिडीएको बृहद रक्तदान कार्यक्रम मे १९ मा हुँदै
May 13, 2019 | 8:36 pm
डालस, टेक्सास । संयुक्त राज्य अमेरीकाको टेक्सास स्थित अरविनमा बृहत रक्तदान कार्यक्रम हुने भएको छ ।
बलड डोनर अफ अमेरिकाको आयोजनामा यहि मे १९ मा नेपाली सांस्कृतिक तथा आध्यात्मिक भबन (नेपाली मन्दिर)मा कार्यक्रम हुन लागेको हो ।आयोजक संस्थाका अध्यक्ष शिव काफ्लेले रक्तदान आँफैमा महान र पुण्य काम भएकोले यथासम्भब सबैमा सहभागिताको लागि विषेश अनुरोध गर्नुुभएको छ । अध्यक्ष काफ्लेले रक्तदान कार्यक्रममा १२५ जनाको सहभागिता निस्चित भयको र १७० पिन्ट रगत संकलन गर्ने योजना रहेको बतनउनु भएको छ। उहाँका अनुसार संस्था मानव सेबामा सदा तत्पर रहेको र प्रत्यक वर्ष १७०० पिन्ट रगत संकलन गरी ५००० जनाको जीवन रक्षा गर्ने लक्ष्य रहेको छ ।
कार्यक्रम बिहान १० बजे देखि दिउस ०४ बजेसम्म सञ्चालन हुने छ । १७ वर्ष पुरा गरी ११० पाउण्ड तौल भएका स्वस्थ मानिसले रक्तदान गर्न सक्ने आयोजकले जानाकारी गराएका छन् । स्मरण रहोस बिडीए टेक्सासका मात्र करिव ५०० जना सक्रिय रक्तदाता छन् । उनीहरु धेरैले बर्षमा ५ पटकसम्म रक्तदान गर्ने गरेको रेकर्ड छ ।
