यो बर्ष करोड भ्यूज कमाउने गीतकारहरु

२०७४ साल नेपाली सिनेक्षेत्र संगीतमय बन्यो । सिनेमामा समाबेश गीतहरुले सिनेमाको प्रचार प्रसार र ब्यपारमा पनि उल्लेख्य योगदान गरे । यस बर्षका केहि हिट सिनेमाहरुका गीत संगीतलाई दर्शकले अत्यधिक मनपराए जस्का कारण केहि गीतहरुले युट्युबमा करोडौँ भ्युज पाए । यस वर्ष लोकलयमा तयार भएका केहि रोमान्टिक गीतहरू दर्शको रुचिमा परेका छन । ति गीतहरु नै युट्युबमा सर्बाधिक कभर गरिने हरेकजसो साँस्कृतिक कार्यक्रममा गाइने नाचिने र बज्ने गीत बने । आज हामी यस बर्ष करोड भ्युज पाउने गीत र गीतकारका बारेमा चर्चा गर्दै छौ ।
लोकराज अधिकारी
यो बर्षको अन्तिमतिर प्रदर्शनमा आएको सिनेमा शत्रु गतेको रुपै मोहनी गीत छोटो समयमा करोड भन्दा माथीको भ्युज पाउने गीत हो । यो गीतले युट्युवमा दुई वटा रेकर्ड पनि राख्न सफल भयो । २४ घन्टामा सर्बाधिक ८ लाख ३२ हजार भन्दा बढि पटक हेरिने गीतको रेकर्ड बनाएको रुपै मोहनीले छोटो समयमा ५० लाख पटक हेरिने गीतको दोश्रो किर्तीमान पनि कायम गर्यो । यो गीतका गीतकार हुन लोकराज अधिकारी । अधिकारी डेढ दशक भन्दा बढि समयदेखि पत्रकारिता र गीति लेखनमा सकृय छन । उनले लेखेको तिम्ले पराई ठाने पछि पराई हुन के भयो र बोलको आधुनिक गीत मोवाइलको रिङ ब्याक टोनमा सर्बाधिक डाउनलोड भएर रेकर्ड राखेको गीत हो । रुपै मोहनी गीतमा संगीत टंक बुढाथोकीको रहेको छ भने स्वर बुढाथोकी र मिना निरौलाको रहेको छ । सार्वजनिक भएको ५३ दिनमा नै करोड भ्युज पार गरेको गीत यो समाचार तयार पार्दा सम्म १ करोड ५७ हजार पटक हेरिएको छ ।

राजनराज शिवाकोटी
नेपाली युट्युब इतिहासमा सर्वाधिक भ्युज पाउने गीत हो, सिनेमा २ रुपैया मा समाबेश ’कुटुमा कुटु’ । राजनराज शिवाकोटीको शब्द, संगीत तथा स्वर रहेको उक्त गीतले युट्युबमा पाँच करोड ५६ लाख भन्दा बढि भ्युज पाएको छ । यस गीतमा राजनराजसँगै मेलिना राई र राजन इशानको स्वर रहेको छ । त्यस्तै, राजनराजकै ’चरी चट्ट परी’ पनि करोड भ्युज पाउने गीत हो । फिल्म ’कान्छी’मा समावेश यस गीतमा राजनराज र अन्जु पन्तको स्वर सुन्न सकिन्छ भने शब्द राजनराजकै हुन । यस गीतको भिडियोले युट्युबमा हलसम्म एक करोड ३९ लाख भन्दा बढि भ्युज पाएको छ । राजनराज शिवाकोटी गीतकार संगीतकार र गायकका रुपमा झण्डै दुई दशक देखी निरन्तर संगीत क्षेत्रमा कृयाशिल छन ।

डा कृष्णहरि बराल
चलचित्र ‘ए मेरो हजुर २’मा समावेश कसम हो कसम बोलको गीत पनि करोडमा प्रवेश गरेको छ । नेपाली गीत गजलका डाक्टर भनेर चिनिने बरिष्ठ गीतकार डा कृष्णहरि बरालको शब्द रचना रहेको यो गीतमा कल्याण सिंहको संगीत रहेको छ । यहि गीत बाट संगीतकार सिंह पनि करोडका संगीतकार बनेका छन । यस गीतमा सुगम पोखरेलको स्वर रहेको छ । यो गीत युट्युबमा एक करोड २६ लाख भन्दा बढी पटक हेरिएको छ ।

अर्जुन पोख्रेल
यस वर्ष रिलिज भएका गीतहरूमध्ये संगीतकार अर्जुन पोखरेलले संगीत गरेका तीन गीत करोड भ्युज कमाउन सफल भएका छन । अर्जुनका ’भन्छु आज’, ’तिमी रोएको पल’ र ’किन आजकाल’ करोड भ्युज पाउने गीत हुन् । ति मध्य अर्जुनको शब्द रचना ’तिमी रोएको पल’ले युट्युबमा करोड भ्युज पाएको हो । सिनेमा ’ऐश्वर्य’मा समावेश यस गीतले हालसम्म युट्युबमा एक करोड ४८लाख भन्दा बढि भ्युज पाइसकेको छ । गीतमा सुगम पोखरेल र अन्जु पन्तकै स्वर सुन्न सकिन्छ ।

दीपक शर्मा
आधुनिक र सिनेमा संगीतमा राम्रै संग जमेका संगीतकार हुन दीपक शर्मा । उनका आफ्नै शब्द रचनाका गीतहरु पनि बजारमा हिट छन । यस बर्ष सार्बजनिक भएको चलचित्र मंगलममा समाबेश गीत ’पर्ख पर्ख मायालु’ले पनि करोड माथीको भ्यूज पाएको छ । शर्माको शब्द र संगीतमा तयार भएको गीतले हालसम्म एक करोड ४८ लाख भन्दा बढि भ्युज पाइसकेको छ । गीतमा कृष्ण काफ्ले र बिन्दु परियारको स्वर रहेको छ ।

सुदर्शन थापा
सफल निर्देशकका रुपमा स्थापित सुदर्शन थापा पनि यसबर्षका करोड भ्यूज कमाउने गीतकार बनेका छन ।
सिनेमा ’म यस्तो गीत गाउँछु’मा समावेश ’भन्छु आज’ले युट्युबमा एक करोड ४६ लाख बढी भ्युज पाएको छ । यो गीत सुदर्शन थापाले लेखेका हुन । गीतमा अन्जु पन्त र सुगम पोखरेलको स्वर सुन्न सकिन्छ ।

अम्बिका शर्मा

अर्जुन पोख्रेलको स्वर संगीत तथा संगीत संयोजन समेत रहेको रहेको गीत ’किन आजकल“ पनि करोड क्लबमा छ । सिनेमा ’म यस्तो गीत गाउँछु’ मा समावेश यस गीतले हालसम्म युट्युबमा एक करोड १२ लाख भन्दा बढी भ्युज पाएको छ ।

प्रिन्स नेपाली र दीपकराज गिरी
‘छक्का पन्जा २’मा समावेश गीत ’ए दाजु’ सार्बजनिक भए लगत्तै विवादमा तानियो । तर दर्शकले अत्यधिक रुचाइदिए । सुरुमा अलमोडा राना उप्रेतीको संगीत रहेको भनिएको यस गीतलाई चोरीको आरोप लाग्यो । पछि यस गीतको संगीतकारमा कान्छा मगर नेपाली र प्रिन्स नेपालीको नाम राखियो । यस गीतमा शब्द प्रिन्स नेपाली र कलाकार दीपकराज गिरीको रहेको छ । गिरीले छक्का पञ्जा ३का लागि पनि आफैले एउटा गीत लेखेका छन । रेकर्डिङको क्रममा रहेको दिपक शर्माले संगीत गरेका छन । ’ए दाजु’ले युट्युबमा दुई करोड २० लाख बढी भ्युज पाएको छ । शत्रु गतेको गीत रुपै मोहनी आउनु पुर्व यहि गीतले २४ घन्टामा सर्बाधिक हेरिने गीतको रकेकर्ड बनाएको थियो । यस गीतमा सुजाता वर्मा र अल्मोडा राना उप्रेतीको स्वर रहेको छ ।

दिनेश राउत
निर्देशक दिनेश राउत पनि यस बर्षका करोड भ्यूज कमाउने गीतकार हुन । चलचित्र ’पर्व’मा समावेश ’काले दाइ’ बोलको आइटम गीतले नेपाली बजार राम्रैसँग ततायो । कोसिस क्षेत्रीको संगीत रहेको यस गीतले युट्युबमा करोड भ्युज पाएको छ । निश्चल बस्नेत र मीना निरौलाको स्वर रहेको गीतलाई निर्देशक राउतले लेखेका हुन । यो गीत हालसम्म युट्युबमा दुई करोड ३७ लाख भन्दा बढी पटक हेरिएको छ ।

प्रवेश मल्लिक
यस बर्ष प्रदर्शनमा आएको चलचित्र ’फाटेको जुत्ता’मा समावेश गीत ’आई एम भेरी सरी’लाई पनि करोड पटक हेरिएको छ । यस गीतमा प्रवेश मल्लिककै शब्द, स्वर तथा संगीत रहेको छ । यस भिडियोलाई हालसम्म युट्युबमा एक करोड २५ लाख बढी पटक हेरिएको छ ।