मदन कृष्ण हरिबंश सहितका कलाकारको साथमा रेडियो अडियोको बिशेष होली कार्यक्रम हुने
फागु पर्वका अबसरमा आउदो १७ गते रेडियो अडियोको आयोजनामा बानेस्वरमा बिशेष होली कार्यक्रम हुने भएको छ ।
रंगहरुको पर्व फागुलाई सभ्य र भब्य तरिकाले प्रतिष्ठित कलाकारको साथमा मनाउने तयारी गरिएको रेडियो अडियोका कार्यकारी अध्यक्ष दिपेन्द्र खनियाले जानकारी दिएका छन ।
कार्यक्रममा बरिष्ठ कलाकार मदनकृष्ण श्रेष्ठ हरिबंश आचार्यको बिशेष प्रस्तुति रहने छ । त्यसैगरी कार्यक्रममा किरण केसी , शिवहरी पौडेल दीपकराज गिरी, दीपाश्री निरौला, प्रियङका कार्की ,दिलिप रायमाझीको पल शाह ,आँचल शर्मा र बसुन्धरा भुसालको पनि प्रस्तुुति रहने छ ।
नेपाल टेलिभिजन , रेडियो अडियो, सहित गफगफ डट कम, फर्सी नेटवर्क लगायतका च्यानल बाट समेत प्रत्यक्ष प्रसारण गरिने कार्यक्रममा , धुर्मुुस सुन्तली, भद्र गोलका जिग्री , पाँडे र राजा राजेन्द्र लगायतका कलाकारको पनि प्रस्तुती रहने छ ।
कार्यक्रममा प्रसिद्ध गायिक कुन्ति मोक्तान, गायक सत्यराज आचार्य, स्वरुपराज आचार्य, गायिका मिना निरौला, गायक तथा संगीतकार टंक बुढाथोकी, गायिका शितल सुवानी मोक्तान गायक तथा हास्य कलाकार यमन श्रेष्ठ र कलाकार सन्दिप क्षेत्रीको प्रस्तुति पनि हेर्न र सुन्न पाइने छ ।
बिहान ठिक १० बजे बाट शुरु हुने कार्यक्रम सभ्य र भब्य बनाउन सबैको साथ र सहयोग रहेकाले कार्यक्रम उत्कृष्ट हुने निर्देशक खनियाले दावी गरेका छन ।