इन्द्रेणी सांस्कृतिक संघले तीज बिशेष कार्यक्रम अगस्त १९ मा गर्दै

अगस्त १६, डालस, टेक्सास । नेपाली महिलाहरुको ठुलो चाड तीज आउन करिब एक हप्ता बाँकी छ । तर तीजको रौनक स्वदेश र बिदेशमा शुरु भैसकेको छ । अमेरिकाका बिभिन्न शहरहरुमा तीजको बरीलै तिब्र रुपमा जारी छ । नाचगानका तस्विरहरु सामाजिक संजालमा छरपस्ट देखिन्छन । टेक्सासको डालसमा पनि तीज मनाउने काम जारी छ । आगामी हप्ता इन्द्रेणी सांस्कृतिक संघले तीज कार्यक्रम आयोजना गरेको छ ।
अगस्त १९ गते साँझ साढे सात बजे देखि शुरु हुने उक्त तीज कार्यक्रम राती १ बजे सम्म जारी रहने छ । स्थानीय कलाकारहरुको प्रस्तुति रहने उक्त तीज बिशेष कार्यक्रममा उपस्थित भै मनोरंजन लिन डिनर सहित जम्मा $१० निर्धारण गरिएको अध्यक्ष तारा प्रशाद भुसालले जानकारी गराउनु भएको छ । अर्भिंग स्थित होटेल डिएफडब्लु होटेलमा उक्त कार्यक्रम आयोजना गर्न लागिएको छ ।

स्मरण रहोस इन्द्रेणी सांस्कृतिक संघ २००७ मा डालसमा स्थापित संस्था हो । नेपाली चाडपर्ब एबम बिभिन्न सांस्कृतिक पर्बहरुमा इन्द्रेणीले प्रभावकारी रुपमा लामो समय देखि कार्यक्रम आयोजना गर्दै आएको छ । प्रबाशमा नेपाली धर्म, कला र संस्कृति जोगाउने, प्रबर्धन गर्ने काममा यो संघले महत्वपुर्ण भूमिका खेल्दै आएको छ । डालसको नेपाली समाजमा हुने हरेक सांस्कृतिक कार्यक्रमहरुमा होस्टेमा हैंसे गर्नुको साथै संघले आफ्नै पहलमा पनि हरेक बर्ष तीज, दशैं तथा तिहारका लागि बिशेष कार्यक्रमहरु गर्दै आएको छ ।  यसपटकको तीजमा पनि अत्यन्त रमाइलो हुने जानकारी दिंदै अध्यक्ष भुषालले उपस्थितिको लागि सम्पूर्ण नेपाली महिला दिदीबहिनी दाजुभाईहरुलाई अनुरोध गर्नु भएको छ ।