अपाङ्गता भएकाव्यक्तिहरूको सशक्तिकरण र समावेशीकरण परियोजनाको अभिमुखीकरण शुरू
पुष्पा खनाल
भूकम्प प्रभावित समुदायका अपाङ्गता भएका व्यक्तिहरूको सशक्तिकरण र समावेशीकरण परियोजनाको दुई दिने अभिमुखीकरण कार्यक्रम काठमाडौँमा शुरूभएको छ । परियोजनाको विषयमाजानकारी दिने र दुई वर्षको परियोजनाखाका, सञ्चालनविधि र प्रक्रियाकाविषयमाजानकारी दिने उद्धेश्यले अभिमुखीकरण कार्यक्रमको आयोजनागरिएको हो । 
कार्यक्रमको शुभारम्भ सत्रमाआफ्नो मन्तव्य राख्दै भूकम्पप्रतिकार्य कार्यक्रमका प्रमुख उमेशप्रसाद ढकालले नेपाल रेडक्रसले अति सङ्कटापन्न समुदायको आवश्यकतालाई ध्यानमा राखेर विकासका गतिविधि गर्दै आएको र यो परियोजन पनि त्यसको एउटा भाग रहेको बताउनुभयो । उहाँले नेपाल रेडक्रसले नमूनाको रूपमा सञ्चालनगर्ने यो परियोजनाकालागि सम्बन्धित सबै क्षेत्रबाट सहयोग मिल्ने र एउटा सफल परियोजनाको रूपमा जस पाउने विश्वास व्यक्तगर्नुभयो ।
नेपाल रेडक्रस सोसाइटीका कार्यकारी निर्देशक इन्द्र बहादुर के.सी.ले देशको परिवर्तित सन्दर्भमा संघियता र समावेशी राष्ट्रकै प्राथमिकता क्षेत्र रहेको र नेपाल रेडक्रस सोसाइटीेले पनि सोही अनुरूप यस्ता परियोजना सञ्चालन शुरू गरेको बताउनुभयो । उहाँले यस परियोजनालाई संस्थागतप्राथमिकताको रूपमालिएर परियोजना सञ्चालनगर्न पनि सम्बन्धित सबैलाई आग्रहगर्नुभयो ।
लमजुङ र तनहुँ जिल्लामा सञ्चालन हुने यस परियोजनाका लागि ह्याण्डीक्याप इन्टरनेसनलको प्राविधिक सहयोग रहने छ ।
कार्यक्रममा परियोजना सञ्चालितजिल्लाशाखाका सभापति, मन्त्री, लैङ्गिक फोकल पर्सन, डेनिस रेडक्रस र ह्याण्डीक्याप इण्टरनेसनलका प्रतिनिधि, परियोजनासँग सम्बन्धित केन्द्र र जिल्लाकाकर्मचारीहरूको सहभागिता रहेको छ ।