एनआरएनए अमेरिकाको अध्यक्ष पदका प्रत्याशी राम पोख्रेलद्वारा भावी एजेन्डा सार्बजनिक

अमेरिकावासी नेपालीलाइ मेरो बिशेष अपिल आदरणाीय अमेरिकाबासी आमा बुवा , दाजु भाइ , दिदी बहिनी र साथीहरु,

गैर आवासीय नेपाली संघ राष्ट्रिय समन्वय परिषद अमेरिकाको यही अगष्ट ११ र १२ मा हुन गैरहेको निर्वाचनमा मैले अध्यक्ष पदकालागी उमेदवारी दिएको सर्वविदीतै छ । तपाँइहरुले अहिलेसम्म म प्रती देखाउँदै आउनु भएको सदभाव , माया र बिश्वासकालागी सर्वप्रथम म तपाँइहरुप्रती हृदयदेखि नै आभार व्यक्त गर्दछु । त्यही सदभाव , माया र बिश्वास फेरिपनि मलाइ प्राप्त हुने अपेक्षा र समाजसेवामा थप सक्रिय हुने दृढ–संकल्पसहित यसपटकको एनआरएन अमेरिकाको निर्वाचनमा मैले अध्यक्षमा उमेदवारी दिने निर्णय गरेको हुँ ।

यसअघि प्राप्त तपाँइहरुकै सदभाव , माया र बिश्वासले मैले एनआरएन अमेरिकाको उपाध्यक्षको भुमिका निर्वाह गर्ने मौका पाएँ । यो मौका दिनु भएकोमा तपाँइहरु सबैलाइ हृदयदेखि नै धन्यवाद दिन चाहान्छु । एनआरएन अमेरिकाको अहिलेसम्मको कार्यशैली , यसको साँगठनीक ढाँचा , संयन्त्र र पदीय हैसियत अनुसार एउटा उपाध्यक्षका रुपमा मैले जे जती गर्न सक्थ्यें , त्यो मैले इमान्दारीपर्वुक गरें जस्तो मलाइ लाग्छ । हो, कतीपय कामहरु मैले मात्र चाहेर पुरा गर्न सक्दैनथ्यें , सकिएन , तर मैले कहिल्यैपनि आफनो इमान्दार प्रयासलाइ कम हुन दिइन । यो अबधिमा मैले जे जस्तो जिम्मेवारी पाएँ, त्यो जिम्मेवारी सफतलापुर्वक सम्पन्न गरेको छु । कसरी आफना उदेश्य र लक्ष्य प्राप्त गर्न सकिन्छ ? र त्यसका बाधक के हुन भन्ने गहिरो अनुभव लीएर यसपटक म अध्यक्षको उमेदवार बनेको छु ।

मेरो उमेदवारी अमेरिकाका सबै नेपालीका लागी र मातृभूमि–नेपालकालागी हो । नेपाली–नेपाली बिच नजोडिएको साइनो जोडने , त्यो साइनोलाइ थप बलीयो एवं प्रभावकारी बनाउने र जोडीएको त्यो बलीयो साइनोलाइ अमेरिकीहरुमाझपनि एउटा सम्पत्तीका रुपमा स्थापीत गर्ने मेरो एउटा मात्र उदेश्य हो । यो उदेश्य प्राप्तीकालागी मलाइ बिकाशोन्मुख देशहरुमा राजनैतीक निर्वाचनमा अपनाइने जस्तो हतकण्डा अपनाउनु छैन । मेरा आफना एजेण्डाहरु छन । र, ती एजेण्डाहरुलाइ कसरी पुरा गर्ने भन्ने मेरा आफना खाकाहरु छन । मेरा एजेण्डा र खाकामा तपाँइहरुकापनि एजेण्डा र खाका मिसाएर बलीयो एनआरएन अमेरिका बनाउने मेरो चाहना छ ।

व्यक्ति बलीयो भए समाज र समाज बलीयो भए राष्ट्र बलीयो हुन्छ भन्ने सर्वसम्मत मान्यतामा मेरोपनि ठुलो बिश्वास छ । यही बिश्वासका आधारमा मैले एजेण्डाहरु तय गरेको छु । हामी जस्ता अप्रवासीहरुको कर्तव्य र दायीत्व एउटा होइन , दुइवटा राष्ट्रसँग जोडीएको छ । हामीले कर्मको मात्र सन्तुलन होइन , भावनाकोपनि सन्तुलन मिलाउनु पर्नेछ । यो सानो र सामान्य कुरा होइन । निर्वाचनमा जो जो प्रतिद्धन्द्धी भएपनि र पछि जो जोले जितेपनि हामीसँग कर्मभुमि र मातृभूमिको भावनाको सन्तुलन मिलाउने जस्तो ठुलो जिम्मेवारी छ । यहाँनेर म एउटा कुरा स्पष्ट पार्न चाहन्छु

– म समाज र व्यक्ति बिभाजनकालागी उमेदवार भएको होइन । समाज र देश जोडन र बलीयो बनाउनका लागी उमेदवार भएको हुँ । यसमा तपाँइहरु सबैको साथ सहयोगकालागी बिनम्र अनुरोध गर्दछु । अन्त्यमा , संक्षेपमा मेरा केही एजेण्डाहरु उल्लेख गर्न चाहन्छु । एजेण्डाहरु

– आप्रवासी नेपालीहरुको हर–प्रकारको सहयोगकालागी एनआरएन अमेरिका अन्तर्गत एउटा छुटटै सक्रिय संयन्त्र स्थापना गर्ने ।

– एनआरएन अमेरिकाका सम्पुर्ण सदस्यहरुको दैनीक जिवनमा कुनै न कुनै हिसाबले फाइदा पुग्ने खालका सहुलीयत कार्यक्रमहरु परिचयपत्रसहित लागु गर्ने ।

– नव आगन्तुक आप्रवासीहरुकालागी तत्काल आवश्यक पर्ने आधारभुत सहयोग र सल्लाहकालागी एउटा ‘फोकल प्वाइन्ट’बनाउने ।

– एनआरएन अमेरिकाका स्टेट च्याप्टरहरुलाइ बिशेष अधिकार प्रदान गर्दै अमेरिकी सरकारका निकायहरुसँगको सम्बन्धलाइ तीव्रता दिने । खासगरी , अमेरिकी सरकारका निकायहरुसँगको सम्बन्ध बिस्तार गर्न एउटा छुटटै ‘टिम’ बनाउने । – स्थानीय तहका बिभिन्न नेपाली संघ–संस्था र एनआरएन अमेरिकाबिचको सहकार्यलाइ प्रभावकारी रुपमा अगाडी बढाउने । – अप्रावासी नेपालीमाथी आइपर्ने आकस्मिक संकटहरुको सामना गर्न एउटा ‘आपतकालीन कोषलाइ अझ थप प्रभावकारी बनाउने ।

–नेपाली भाषा–सँस्कृती र कलाको प्रबद्र्धन र जगेर्नाकालागी स्थानीय संघ संस्थाहरुसँग सहकार्यगरी निश्चीत कार्यक्रमहरु बनाउने । – अमेरिकामा नेपाली युवाहरुले प्राप्त गरेको बिशेष ज्ञान र सिपलाइ थप प्रबद्र्धन गर्न सहयोग गर्ने । –एनआरएन अमेरिका मार्फत मातृभूमि नेपालमा हुने परोपकारी तथा कल्याणकारी कार्यहरुलाइ संस्थागत र थप प्रभावकारी बनाउन एउटा छुटटै संयन्त्र मार्फत काम अगाडी बढाउने । – एनआरएन अन्तर्राष्ट्रिय समितीमा, एनआरएन अमेरिकाको प्रभावकारी उपस्थितीकालागी आवश्यक पहल गर्ने ।

माथी उल्लेखित एजेण्डाहरु कार्यान्वयनका लागी यसपटक एनआरएन अमेरिकाको अध्यक्षमा मलाइ मतदान गर्नु हुन यहाँहरु सबैसँग फेरिपनि हार्दिक अनुरोध गर्दछु ।

राम सी पोखरेल

एनआरएन अमेरिकाको अध्यक्षको उमेदवार