संगीतकर्मी कल्याणकारी कोषमा अमेरिकामा रहेका नव गायक बिनय र इजरायलमा रहेकि नव गायीका अनिताद्धारा १५ हजार १ सय सहयोग
संगीतकार संघ नेपालले स्थापना गरेको संगीतकर्मी कल्याणकारी कोषमा इजरायलमा रहेकि नव गायीका अनिता लामा योञ्जनले १० हजार रुपैया सहयोग गर्नु भएको छ । 
अनिताले पठाएको सहयोग एक कार्यक्रमका बिच कोषलाई हस्तान्तरण गरिएको छ । त्यसैगरी बर्दिया घर भै हाल अमेरिका रहेका नव गायक बिनय अनुरागले ५ हजार १ सय रुपैया कोषलाई सहयोग गर्नु भएको छ ।
गायक अनुरागले म्यूजिक संसार मार्फत पठाउनु भएको सहयोग कोषलाई हस्तान्तरण गरिएको छ । दुबै जनाले कोषमा जोडिन पाएकोमा गर्व लागेको बताउनु भएको छ । संगीतकर्मी हरुका लागि मर्दा पर्दा सहयोग गर्ने उद्धेश्यले स्थापना गरिएकोे कल्याणकारी कोषमा देश विदेशबाट सहयोग रकमहरु जम्मा हुने क्रम जारी रहेको संघका प्रेस सल्लाहकार लोकराज अधिकारीले जानकारी दिनु भएको छ । संघका प्रेस सल्लाहकार अधिकारीका अनुसार कोषमा सहयोग गर्न चाहनेहरुले बिभिन्न स्थानबाट सोधिखोजी गर्दै सहयोग रकमको प्रतिबद्धता समेत ब्यक्त गर्नु भएको छ । उहाँहरुले प्रतिबद्धता गरेको सहयोग रकम आफू अनुकुलको समयमा हस्तान्तरण गर्ने बचन दिनु भएको छ । दाताको सहजताका लागि म्यूजिक संसार नेपालले डोनेट बक्स समेत संचालनमा ल्याएको छ । इच्छुक दाताले म्यूजिक संसार नेपालको वेव साइटमा रहेको डोनेट बक्स मार्फत कल्याणकारीकोषमा सहयोग रकम जम्मा गर्न सकिने छ । नेपाली संगीत क्षेत्रका सबै बिधाका सर्जकहरुलाई आपत बिपत पर्दा सहयोग गर्ने उद्धेश्यले स्थापना गरिएको कल्याणकारी कोषमा सहयोग आउने क्रमसँगै पीडित संगीतकर्मीका लागि पनि खर्च भैरहेको छ ।जेठ महिना सम्मकोे विवरण अनुसार कोषमा ८ लाख ४५ हजार १९ रुपैयाँ ८पैसा जम्मा भएको संघका अध्यक्ष लक्ष्मण शेषले जानकारी दिनु भएको छ । अहिले सम्म ५ जना सर्जक संगीतकर्मी एकजना रंग पत्रकारको औषधी उपचारमा र ३ जना सर्जकको निधनका बेला कोषबाट १ लाख ४७ हजार ५सय ८२ रुपैया सहयोग गरि सकिएको छ । कल्याणकारी कोषमा सहयोग गर्ने दाताहरुलाई संघले बिशेष सम्मान गर्दै आएको छ । भने कल्याणकारी कोष बृद्धिका संघले मेचीकाली यात्रा गर्ने भएको छ ।