संगीतकर्मी कल्याणकारी कोषमा भारतको महाराष्ट्र निवासी सिम्मी राना द्धारा ५ हजार ५ रुपैया सहयोग
संगीतकर्मी कल्याणकारी कोषमा कलापारखी तथा समाजसेवी सिम्मी राना (हेमा)ले ५ हजार ५ रुपैया सहयोग गर्नु भएको छ । पाल्पा घर भै हाल भारतको महाराष्ट्र बस्दै आएकी रानाले पठाएको सहयोग एक कार्यक्रमका बीच संघका प्रेस सल्लाहकार लोकराज अधिकारीले संघका अध्यक्ष लक्ष्मण शेष र सदस्य सुरेश अधिकारीलाई हस्तान्तरण गर्नु भएको हो ।
रानाले कल्याणकारी कोषमा आफू जोडिन पाएको मा खुसी ब्यक्त गर्नु भएको छ । संघका प्रेस सल्लाहकार अधिकारीका अनुसार संगीतकार संघको कल्याणकारी कोषमा देश विदेशबाट सहयोग रकमहरु जम्मा हुने क्रम जारीे छ । हेटौडा घर भै हाल अमेरिका निवासी नारायण गौतमले कोषलाई २० हजार रुपैया पठाउनु भएको छ । उक्त रकम केहि दिन पछि एक कार्यक्रमका बीच कोषमा हस्तान्तरण गरिने कोषाध्यक्ष हरि लम्सालले जानकारी दिनु भएको छ । हस्तान्तरण हरेक महिनाको १ गते कोषको विवरण सार्बजनिक गर्ने निर्णय अनुसार संघले पौष १ गते पहिलो विवरण सार्बजनिक गरिसकेको छ । 
पहिलो विबरणमा कोषमा २ लाख ६६ हजार ८०७ रुपैया थपिएको छ । भने यो महिना ५ लाख थपहुन सक्ने अनुमान गरिएको छ । कल्याणकारी कोषमा सहयोग आउने क्रमसँगै पीडित संगीतकर्मीका लागि पनि खर्च भैरहेको अध्यक्ष शेषले जानकारी दिनु भएको छ । प्रसिद्ध गायक तथा संगीतकार मधुबाबु थापाको निधनका बेला श्रद्धाञ्जली कार्यक्रम, एम्बुलेन्स खर्च र बिद्युतिय शबदाह गृहको खर्च कोषबाट ब्यहोरिएको थियो । त्यसैगरी क्यान्सर पीडित संगीतकार निरज कुमारलाई २० हजार , प्रसिद्ध लोकगायक तथा अभिनेताको बुद्धिकृष्ण लामिछानेलाई उपचारका लागि नगद १५ हजार १ सय ११ र एक बर्षको औषधी खर्च झण्डै १ लाख २० हजार सहयोग जुटाउने प्रतिबद्धता ब्यक्त गरेको छ । त्यसैगरी क्यान्सर पीडित संगीतकार निरज कुमारलाई औषधि बापतको २० हजार मिर्गौला पीडित संगीत व्यवसायी शिव पौडेललाई दश हजार एक रुपैयाँ सहयोग हस्तान्तरण भैसकेको छ ।