संगीतकर्मी कल्याणकारी कोषमा कवि तथा गीतकार रिन्जि सागर राइले १५ हजार दिने

संगीतकर्मी कल्याणकारी कोषमा कवि तथा गीतकार रिन्जि सागर राइले १५ हजार ५ रुपैया दिने हुनुभएको छ । आज एक कार्यक्रममा हस्तान्तरण गर्ने तयारी गरिएकोमा राईको कार्यब्यस्ततातका कारण अर्को दिनलाई सारिएको छ । गीतकार राईले संगीतकर्मी कल्याणकारी कोषमामा आफू पनि सामेल हुन पाएकोमा गर्ब लागेको बताउनु भएको छ ।

कवि तथा गीतकार रिन्जि सागर राईको पहिलो आधुनिक गिति संग्रह प्रीत केहि दिन पहिले काठमाण्डौको जमलस्थित राष्ट्रिय नाचघरमा बरिष्ठ संगीतकार सुरेश अधिकारीको प्रमुख आतिथ्यतामा सार्वजनिक गरिएको थियो । प्रीतमा गीतकार राईका ५ वटा गीत समावेश गरिएको छ । संघका प्रेस सल्लाहकार लोकराज अधिकारीका अनुसार संगीतकार संघको कल्याणकारी कोषमा देश विदेशबाट सहयोग रकमहरु जम्मा हुने क्रम जारीे छ । हरेक महिनाको १ गते कोषको विवरण सार्बजनिक गर्ने निर्णय अनुसार संघले पौष १ गते पहिलो विवरण सार्बजनिक गरिसकेको छ । विवरण पहिलो विबरणमा कोषमा २ लाख ६६ हजार ८०७ रुपैया थपिएको छ । संगीतकर्मी हरुका लागि मर्दा पर्दा सहयोग गर्ने महान उद्धेश्यले स्थापना गरिएको कोषमा कल्याणकारी कोषमा सहयोग आउने क्रमसँगै पीडित संगीतकर्मीका लागि पनि खर्च भैरहेको अध्यक्ष लक्ष्मण शेषले जानकारी दिनु भएको छ । प्रसिद्ध गायक तथा संगीतकार मधुबाबु थापाको निधनका बेला श्रद्धाञ्जली कार्यक्रम, एम्बुलेन्स खर्च र बिद्युतिय शबदाह गृहको खर्च कोषबाट ब्यहोरिएको थियो । त्यसैगरी क्यान्सर पीडित संगीतकार निरज कुमारलाई २० हजार , प्रसिद्ध लोकगायक तथा अभिनेताको बुद्धिकृष्ण लामिछानेलाई उपचारका लागि नगद १५ हजार १ सय ११ र एक बर्षको औषधी खर्च झण्डै १ लाख २० हजार सहयोग जुटाउने प्रतिबद्धता ब्यक्त गरेको छ । त्यसैगरी क्यान्सर पीडित संगीतकार निरज कुमारलाई औाषधि बापतको २० हजार मिर्गौला पीडित संगीत व्यवसायी शिव पौडेललाई दश हजार एक रुपैयाँ सहयोग हस्तान्तरण भैसकेको छ ।