नमस्ते नेपाल हातेमालो सामाजिक संस्थाको महायज्ञमा दोश्रो दिन झण्डै ४ संकलन
१ लाख एक हजार दान गर्दै रजनी ढकाल संस्थाको आजिवन सदस्य
प्रसिद्ध लोक गायक प्रजापति पराजुलि पनि ३० हजार ५ रुपैया सहयोग गर्दै आजिवन सदस्य
नमस्ते नेपाल हातेमालो सामाजिक संस्थाले आफनो भवन निर्माणका लागि काठमाण्डौमा आयोजना गरेको महायज्ञमा आज दोश्रो दिन झण्डै ४ संकलन भएको छ । काठमाण्डौको तारकेस्वर पैयाटारमा संस्थाले खरीद गरेको जग्गामा आफनै भवन निर्माणका लागि संस्थाले बिहिवार सुरु गरेको महायज्ञमा आज स्थानिय रजनी ढकालले १ लाख एक हजार दान गर्दै संस्थाको आजिवन सदस्य बन्नु भएको छ । त्यसैगरी लोक सम्राट प्रसिद्ध लोक गायक प्रजापति पराजुलिले पनि ३० हजार ५ रुपैया सहयोग गर्दै आजिवन सदस्य बन्नु भएको छ । 
आज बिन्दवासिनि भजन समूहले भजन प्रस्तुत गरेको थियो । स्थानियको माग अनुसार महायज्ञको समय थप गरिएको छ । संस्थामा देश भित्र र बाहिर रहेका परोपकारी मन भएका नेपालीहरु आबद्ध छन । झण्डै ४ सय सदस्य रहेको संस्थाले बिभिन्न सामाजीक परोपकारी काम गर्दै आएको छ ।