नेपाली अमेरिकन कन्भेन्सनमा बच्चाहरुको बास्केटबल प्रतियोगिता हुने

डालस, जुन ८ । नेपाली अमेरिकन कन्भेन्सनले जुन महिनाको अन्तिम दिन ३० देखि जुलाई २ सम्म १३ बर्ष मुनिका बालबालिकाहरुको बास्केटबल प्रदर्शन प्रतियोगिता संचालन गर्ने भएको छ । आयोजक संस्थाका अनुसार यो प्रतियोगितामा भाग लिनको लागि दर्ता शुरु भैसकेको छ भने दर्ता निशुल्क रहेको छ । यो खेलमा केटाकेटी दुवै थरीको एकैसाथ प्रतिष्पर्धा हुनेछ । आबस्यक जानकारीको लागि संस्थाको वेबसाइटमा जान वा प्रयासलाइ सम्पर्क गर्न सकिने छ ।

तपाईंहरुलाई थाहै छ, नेपाली अमेरिकन कन्भेन्सन जुन ३० देखि जुलाई ४ सम्म डालसस्थित कोपेल सहरको फोर पोइन्ट्स बाइ शेराटन होटेलमा हुँदैछ । क्यालिफोर्निया, न्यु योर्क देखि टेक्सास सम्मका जल्दा बल्दा युबाहरुको अगुवाई, योजना र आयोजनामा हुन लागेको यो कन्भेन्सनमा खेलकुद लगायत थुप्रै युवा लक्षित कार्यक्रमहरु सम्पन्न हुँदैछन् ।