पत्रकार नेमिष गौतमको उपचार सहयोगका लागि संगीतकर्मी कल्याणकारी कोष बाट २२ हजार ३५६ रुपैया सहयोग
गीतकार कुमार पौडेल शंकरद्धारा कोषबृद्धिका लागि ७ हजार ५०० रुपैया हस्तान्तरण
चलचित्र पत्रकार संघका सदस्य नेमिष गौतमको उपचार सहयोगका लागि संगीतकर्मी कल्याणकारी कोष बाट २२ हजार ३५६ रुपैया सहयोग गरिएको छ । टाउकोको गम्भीर चोटको शल्यक्रिया पछि बीर अस्पतालको ट्रमा सेन्टरमा थप उपचार गराइरहेका गौतमको उपचारमा सहयोग पुगोस भनेर कोषबाट उक्त रकम हस्तान्तरण गरिएको हो ।
गौतमको स्वास्थ्य अबस्थाबारे जानकारी लिन र सहयोग रकम हस्तान्तरण गर्न कोषका अध्यक्ष समेत रहनुभएका संगीतकार संघ नेपालका अध्यक्ष लक्ष्मण शेष , कोषाध्यष हरि लम्साल र संघका प्रेस सल्लाहकार एबं गीतकार लोकराज अधिकारी अस्पताल पुग्नु भएको थियो । गौतमले स्वास्थ्यमा सुधार आएकाले दुई तिन दिनमा डिस्चार्ज हुन सक्ने आशा ब्यक्त गर्नु भएको छ । सहयोग रकम हस्तान्तरण पछि संगीतकार संघका अध्यक्ष शेषले कोषको स्थापना भरखरै मात्र भएको र प्रारम्भिक चरणमा रहेकोले चाहेर पनि धेरै सहयोग गर्न नसकिएको बताउनु भयो । उहाँले संगीतकर्मीलाई आपत बिपत पर्दा सबै खर्च कोषबाट गर्न सकिने बनाउने सपना कोषले देखेको र त्यो बाटो तर्फ अग्रसर रहेको बताउनु भयो ।
यसैबीच आजै संगीतकर्मी कल्याणकारी कोषमा पोखरा घर भै हाल इजरायल बस्दै आउनु भएका गीतकार कुमार पौडेल शंकरले ७ हजार ५०० रुपैया सहयोग गर्नु भएको छ । गीतकार पौडेलले पठाएको सहयोग रकम गायक तथा संगीतकार सिडी बिजय अधिकारीले संगतिकार संघ नेपालका प्रेस सल्लाहकार लोकराज अधिकारीलाई हस्तान्तरण गर्नु भएको हो । 
गीतकार पौडेलको केहि समय पहिले मायाको फूल नामक एल्वम सार्बजनिक भैसकेकोको छ ।
गीतकार पौडेलले कोषमा जोडिन पाएकोमा खुसी ब्यक्त गर्नु भएको छ ।
संघका प्रेस सल्लाहकार अधिकारीका अनुसार संगीतकर्मीलाई मर्दा पर्दा सहयोग गर्ने उद्धेश्यले स्थापना गरिएको कल्याणकारी कोषमा देश विदेशबाट सहयोग रकमहरु जम्मा हुने क्रम जारीे छ । सहयोग आउने क्रमसँगै पीडित संगीतकर्मीका लागि पनि खर्च भैरहेको अध्यक्ष शेषले जानकारी दिनु भएको छ ।
कल्याणकारी कोषको हरेक महिनाको एक गते सबै बिवरण सार्बजनिक हुने गरेको छ । फागुन महिना सम्मको चौथो विवरण अनुसार कोषमा ५ लाख २२ हजार ३५६ रुपैया जम्मा भएको छ ।
कोषमा सहयोग गर्न चाहनेहरुले बिभिन्न स्थानबाट सोधिखोजी गर्दै सहयोग रकमको प्रतिबद्धता समेत ब्यक्त गर्नु भएको छ । अहिले बिभिन्न क्षेत्रका दाताहरुबाट झण्डै ८ लाख रुपैयाको प्रतिबद्धता आइसकेको छ । उहाँहरुले प्रतिबद्धता गरेको सहयोग रकम आफू अनुकुलको समयमा हस्तान्तरण गर्ने बचन दिनु भएको छ । नेपाली संगीत क्षेत्रका सबै बिधाका सर्जकहरुलाई आपत बिपत पर्दा सहयोग गर्ने उद्धेश्यले स्थापना गरिएको कल्याणकारी कोषमा सहयोग आउने क्रमसँगै पीडित संगीतकर्मीका लागि पनि खर्च भैरहेकोे छ । अहिले सम्म ३ जना सर्जक एकजना रंग पत्रकारको औषधी उपचारमा र एकजना सर्जकको निधनमा कोषबाट ८९ हजार ९सय ६७ रुपैया सहयोग गरिसकिएको छ ।