धक्का नम्बर तीन: पुनराबेदन अदालतले ट्रंपको बिपक्षमा फैसला गर्यो
डोनाल्ड ट्रंप फेरी पराजित भएका छन् । सान फ्रान्सिस्को स्थित ९ औं पुनराबेदन अदालतले ७ वटा देश माथि लगाएको अस्थायी बन्देज लगाउने उनको आदेश गैर कानुनी रहेको भन्दै सियाटल स्थित अदालतले रद्ध गरेको आदेशलाई निरन्तरता दिएको छ । अर्थात् उनले ७ वटा देशका नागरिक माथि बन्देज लगाउने आदेश गैर कानुनी भएको जनाउंदै उनको कार्यकारी आदेश कायम गरी पाउन गरेको निबेदन खारेज गरेको छ । ३ जना न्यायधिष मध्य ३ जनाले नै उनको निबेदनलाइ अस्विकार गरेका हुन् । ९ औं पुनराबेदन अदालतका ती ३ जना न्यायाधिशहरु जर्ज बुश, बिल क्लिन्टन र ओबामाले नियुक्त गरेका हुन् ।
उक्त अदालतले दिएको २९ पेज लामो निर्णयमा सरकारले भने जस्तो उक्त ७ देशका नागरिकहरुबाट हुने प्रत्यक्ष सुरक्षा खतरा छ भन्ने प्रमाणित गर्न नसकेको उल्लेख गरिएको छ । अदालतको उक्त निर्णय पछि सदा झैं नसोची प्रतिक्रिया दिने रास्ट्रपति ट्रंपले असन्तुस्टी जनाउंदै सर्बोच्च अदालत जाने स्पस्ट परेका छन् । त्यस्तै अमेरिकाको सुरक्षा खतरामा रहेको समेत उक्त ट्विटमा उल्लेख गरेका छन् । ट्रंपका सरोगेटहरुले पनि सोहि दोहोर्याएका छन् । यो निर्णय संगै यो मुद्धा सर्बोच्च अदालत पुग्ने निश्चित भएको छ । आफु सबै कुरामा सहि र बाँकी सबैजना गलत ठान्ने मानसिकता भएका ट्रंपले यो हारलाइ सजिलै पचाउने अवस्था देखिन्न । हेरौं, अदालत र ट्रंपको लडाइ कहाँ पुगेर टुंगिने हो ।
