सनिबार दहचोकमा निशुल्क स्वास्थ्य शिबिर हुदै
October 21, 2016 | 11:26 pm
पिपुल्स मेडिकल कलेज ,मार्क नेपाल र प्रथम पाइला मासिक पत्रिकाको संयोजन मा स्वाथ्य समाज नेपालले सनिबार राजधानीको दहचोकमा निशुल्क स्वास्थ्य शिबिर संचालन गर्दैछ । 
ख्याती प्राप्त बिशेषज्ञ डाक्टरहरुले बिभिन्न रोगका बिरामीको निशुल्क स्वास्थ्य जाँच गर्ने आयोजकले जनाएको छ । यस अघि पनि पटक पटक यस प्रकारको निशुल्क स्वास्थ्य शिबिर संचालन गर्दै आएका यी संस्थाले सनिवारको शिविरमा सहभागी भै फाइदा लिन सबैमा अपिल गरेका छन । शिबिरमा चेकजाँज संगै मनोपरामर्ष सेवा पनि दिइने आयोजक मध्य एक मार्क नेपालका मनोबिद गोपाल ढकालले जानकारी दिएका छन । शिबिरमा बिरामीलाई निशुल्क औषधीको पनि ब्यबस्था गरिएको छ ।